Itsasertzean lehorreratuta, gogor egiten dugu lan zentzumen guztiak pizteko, zu entretenitzeko eta guk ongi pasatzeko. Jan, edan eta bizi gurekin.
Murgildu zaitez!
Aizpea
Ezin dut sukaldaritzaren esanahia hitzekin azaldu. Hori adierazteko modu bakarra sukaldean aritzea da niretzat. Sentimendu eta emozio-nahasketa bat da. Plater bakoitza, errezeta bakoitza eta zerbitzu bakoitza antzerki emanaldi bat bezalakoa da. Dena entseatuta eta ongi pentsatuta dago, baina egun bakoitza ezberdina da. Gainera, sasoiko produktuei esker, sormena beti dago pil-pilean, eta horrek gidatzen gaitu plater berriak sortzera.
Urte askotan zehar sukaldari ospetsuen ondoan ikasitakoa islatzen da orain Xarma Cook & Culture jatetxean. Barne-aldaketa bat egiteko ordua iritsi da, eta zuekin guztiokin batera, proiektu honekin gozatu nahi dut.
Xabier
25 urte daramatzat sukaldean gozatzen. Horrenbeste urteren ondoren, soberako guztia eta elementu behartuak ezabatzeko premia sentitzen dut, niretzat sukaldaritzaren funtsa den hori bakarrik lantzeko. Ez dut protokolorik edo formalismorik nahi. Askatasun gastronomikoa lortu nahi dut. Zu eseri, egon lasai, eskatu nahi duzuna, egin barre, gozatu zure jendearekin eta gainera ongi jan eta edango duzu.
Hori guztia lortzen badut, gauero, labanak jasotzen ditudanean, pozik joango naiz etxera, merezi dituzun arreta eta sukaldaritza jaso dituzula jakinda. Gainerakoa berdin zait.
Partekatu dezagun zoriontasuna. Zuk, sukaldearen beste aldean; eta nik, bertan saltsan ibilita.
